പകല്‍ മുഴുവന്‍ തന്നാല്‍ കഴിയും വിധം ഉടായിപ്പുകള്‍ നടത്തിയ മത്തായി വൈകിട്ട് മുട്ടുകുത്തി    പ്രാര്‍ത്ഥന തുടങ്ങി
.
" സ്വര്‍ഗ്ഗസ്ഥനായ ഞങ്ങളുടെ പിതാവേ ! "
.
ഓണ്‍ലൈനില്‍ ഇരിക്കുകയായിരുന്ന സ്വര്‍ഗ്ഗസ്ഥനായ പിതാവ് അപ്പോള്‍ തന്നെ റിപ്ലേ കൊടുത്തു
.
"കിടന്നു തൊള്ള തുറക്കാതെ കാര്യം പറ മത്തായീ !"
.
ഞെട്ടിപ്പോയ മത്തായി ആത്മസംയമനം വീണ്ടെടുത്തു പറഞ്ഞു
.
"അങ്ങയുടെ നാമം പൂജിതമാകണമേ ! "
.
ദൈവം: "ഈ സുഖിപ്പിക്കല്‍ നിത്യേന കുറെ കേള്‍ക്കുന്നതാ !
നീ ബാക്കി പറ "
.
"അങ്ങയുടെ രാജ്യം വരേണമേ ! "

"നടന്നതു തന്നെ"
ദൈവത്തിന്റെ ആത്മഗതം .
.
" അങ്ങയുടെ തിരുമനസ്സ് സ്വര്‍ഗ്ഗത്തിലേപ്പോലെ ഭൂമിയിലും ആകണമേ ! "
.
"അത് അതിമോഹമല്ലേ മത്തായി ! "
.
"അന്നന്നു വേണ്ട ആഹാരം എന്നും ഞങ്ങള്‍ക്ക് തരേണമേ"

അത് കേട്ട ദൈവത്തിനു കലി വന്നു
.
"നാല് തലമുറക്ക് ഇരുന്നു കഴിക്കാനുള്ളത് സമ്പാദിച്ചു വെച്ചിട്ടാണോടാ $&@# മോനേ നീ അന്നന്നത്തെ ആഹാരത്തിന് എന്നോട് കേഴുന്നത് ."
.
വിരണ്ടു പോയ മത്തായി അടുത്ത വാചകം പറഞ്ഞു
" ഞങ്ങളോട് തെറ്റു ചെയ്യുന്നവരോട് ഞങ്ങള്‍ ക്ഷമിക്കുന്നതു പോലെ , ഞങ്ങളുടെ തെറ്റുകള്‍ ഞങ്ങളോട് ക്ഷമിക്കേണമേ"
.
അതും കൂടി കേട്ടപ്പോൾ ദൈവത്തിന്റെ സകല കണ്‍ട്രോളും പോയി  പുറംകാല് മടക്കി പിടലിക്ക് ഒന്ന് കൊടുത്തതും മത്തായി മൂക്കുകുത്തി വീണു
.
അത് കണ്ട ഭാര്യ അന്നാമ്മ വിളിച്ചു പറഞ്ഞു:
.
" കണ്ടുപഠിക്കെടാ മക്കളേ നിങ്ങളുടെ അപ്പന്റെ ഭക്തി ! പ്രാര്‍ത്ഥനക്കു ശേഷമുള്ള ആ കുമ്പിഡീൽ കണ്ടോ !"😂