A: ഹലോ... ഡോക്ടറല്ലെ...?

B: അതെ ആരാ...?

A: എന്നെ മനസ്സിലായോ... ഞാൻ സെബാസ്റ്റ്യനാണ്‌...

B: സെബാസ്റ്റ്യനോ...!!! ഇല്ല... മനസ്സിലായില്ലല്ലോ...!!!

A: സാറ്‌ കഴിഞ്ഞയാഴ്ച്ച അമ്മയെക്കൊണ്ടുവന്നാക്കിയില്ലേ ആ വൃദ്ധസദനത്തിലെ വാർഡനാണ്...

B: ങാ... മനസ്സിലായി... മനസ്സിലായി... എന്താ സെബാസ്റ്റ്യൻ... എന്താകാര്യം...?

A: താങ്കളുടെ വീട്ടിലെ പട്ടി ഇവിടെയുണ്ട്‌... അമ്മയുടെ അടുത്ത്‌... വന്ന് കൊണ്ടുപൊയ്‌ക്കോളൂ...

B: ഓഹോ... അവനവിടെ എത്തിയോ... നാലഞ്ച്‌ ദിവസമായി അവനെ കാണാതായിട്ട്‌... ഇവിടെ വീട്ടിൽ എല്ലാവരും വിഷമിച്ചിരിക്കുകയായിരുന്നു... ഞാൻ പത്രത്തിലും പരസ്യം കൊടുത്തിരുന്നു... എന്തായാലും കിട്ടിയല്ലോ... താങ്ക്യൂ സെബാസ്റ്റ്യൻ... ഞാൻ ഇന്നുതന്നെ വന്ന് കൊണ്ടുപൊയ്‌ക്കോളാം...

ചിന്തിക്കാൻ ഒരുപാടുളള ഒരു കൊച്ചു കഥ...